ငြိမ်းဖောင်ဒေးရှင်း

ငြိမ်းဖောင်ဒေးရှင်း

ငြိမ်းဖောင်ဒေးရှင်းအား ၂၀၀၀ ပြည့်နှစ်တွင် စတင်ဖွဲ့စည်းခဲ့ပါသည်။ ငြိမ်းဖောင်ဒေးရှင်း အနေဖြင့် စတင်ဖွဲ့စည်းခဲ့သည့် အချိန်မှစ၍ အားလုံးပါဝင်သော ငြိမ်းချမ်းရေးဖြစ်စဉ် ဖြစ်မြောက် အောင်မြင်ရေးကို  ဦးစားပေး ပံ့ပိုးလုပ်ဆောင်ပြီး ပြည်သူလူထု ပူးပေါင်းပါဝင်မှု၏ အရေးပါမှုကိုလည်း အစဥ်တစိုက် အလေးပေး ဆောင်ရွက်လျက်ရှိပါသည်။

ငြိမ်းဖောင်ဒေးရှင်းမှ ပါဝင်သင့်သူများအားလုံးပါဝင်နိုင်ရေးအတွက် နေရာအခင်းအကျင်းကို ဖန်တီးခြင်းဖြင့် လက်ရှိငြိမ်းချမ်းရေးဖြစ်စဉ် ရှေ့ဆက်ဆောင်ရွက်မှုတို့ကို ကောင်းစွာပံ့ပိုးပေးနိုင် မည်ဟု ယုံကြည်ထားပါသည်။ ငြိမ်းဖောင်ဒေးရှင်း၏ အပြုသဘောဆောင်သော အားလုံးပါဝင် နိုင်စေရေးကို ရည်ရွယ်၍ လူထုအတွင်း အရပ်သားငြိမ်းချမ်းရေး ပံ့ပိုးမှုဆိုင်ရာယန္တရားများ ဖွဲ့စည်းဆောင်ရွက်ခြင်းဖြင့် လူထု၏ ပါဝင်မှု ပိုမိုမြင့်မားလာခြင်းကဲ့သို့သော အရေးကြီးသည့် တိုးတက်မှုအခြေအနေကို မြင်တွေ့ခဲ့ရပြီးဖြစ်သည်။

ငြိမ်းဖောင်ဒေးရှင်းသည် ပြည်သူတို့၏ အသံများကို ကြားသိနိုင်စေရေးအတွက် လူထုအတွင်း သုတေသနနှင့် သတင်းအချက်အလက် စုဆောင်းမှုများ၊ ငြိမ်းချမ်းရေးအတွက် အထောက်အကူ ဖြစ်စေမည့် မူဝါဒအပြောင်းအလဲများ ဖြစ်စေရေးအတွက်လည်း ဆောင်ရွက်လျက်ရှိပါသည်။

နိဂုံးချုပ်အနေဖြင့် ငြိမ်းဖောင်ဒေးရှင်းသည် ငြိမ်းချမ်းရေးစေ့စပ်ညှိနှိုင်းမှု အစီအစဥ်များကို အထောက် အကူပြုရန် ကြိုးပမ်းအားထုတ်မှုများကို ဆက်လက်ထိန်းသိမ်းသွားနိုင်ရန်နှင့် မြန်မာနိုင်ငံတွင် ရေရှည် တည်တံ့သည့် တရားမျှတမှုရှိသော ငြိမ်းချမ်းရေးရရှိတည်ဆောက်သွားရန် လူ့အဖွဲ့အစည်းရှိ သက်ဆိုင်သူများအားလုံးနှင့် အဆင်ပြေချောမွေ့စွာချဉ်းကပ် ဆောင်ရွက်သွားနိုင်ရေးကို ရှေးရှုကာ မိမိတို့၏ အထူးတာဝန်ကို ဦးလည်မသုံ ဆောင်ရွက်သွားမည်ဖြစ်ပါသည်။