ငြိမ်းချမ်းရေး ဂေဟာ (နောင်နန်း)

ငြိမ်းချမ်းရေး ဂေဟာ (နောင်နန်း)
ငြိမ်းချမ်းရေးဂေဟာ (နောင်နန်း) နောက်ခံသမိုင်းအကျဉ်း

ကချင်ပြည်နယ်၊ မြစ်ကြီးနားမြို့ (၁၁) မိုင်အကွာ၊ နောင်နန်းကျေးရွာတွင်တည်ရှိသည့် ငြိမ်းချမ်းရေးဂေဟာ သည် ဂျပန်ပြည်သူနှင့် ဂျပန်နိုင်ငံအစိုးရ၏ အသေးစား ထောက်ပံ့ရေးအစီအစဉ် လှူဒါန်းငွေဖြင့် ဆောက်လုပ်ခြင်းဖြစ်ရာ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ အတွင်းရေးမှူး (၁) ဗိုလ်ချုပ်ကြီး ခင်ညွန့်နှင့် တိုင်းရင်းသားခေါင်းဆောင်များက ၂ဝဝ၁ခု နှစ်၊ ဇန်နဝါရီလ (၈)ရက်တွင် ပန္နက်တင်မင်္ဂလာချီးမြှင့်ခဲ့ပြီး ၂ဝဝ၁ ခုနှစ်၊ ဒီဇင်ဘာ(၃)ရက်တွင် ချီးမြှင့်ဖွင့်လှစ်ပေးခဲ့သည်။

ငြိမ်းချမ်းရေးဂေဟာ (နောင်နန်း) တည်ဆောက်ရခြင်း ရည်ရွယ်ချက်များ

(၁) ကချင်ပြည်အတွင်း ငြိမ်းချမ်းသာယာမှု လွှမ်းခြုံ ဖြစ်ထွန်းလာအောင် ကြိုးပမ်းဆောင်ရွက်ပေးကြသော နိုင်ငံခေါင်းဆောင်များ၊ တိုင်းရင်းသားခေါင်းဆောင်များ၊ ငြိမ်းချမ်းရေးလိုလားသော ပြည်သူများအား ဂုဏ်ပြုမှတ်တမ်းတင်ရန်။

(၂) နောင်လာနောက်သား မျိုးဆက်သစ်လူငယ်များအား ငြိမ်းချမ်းရေးမျိုးစေ့ပျိုးထောင်ပေးရန်။

(၃) ငြိမ်းချမ်းရေးဂေဟာတွင် လာရောက်လေ့လာခြင်းအားဖြင့် ငြိမ်းချမ်းရေး ဗိသုကာကြီးများအား အစဉ်အမြဲအမှတ်ရ၍ ငြိမ်းချမ်းရေးကို ထာဝရထိန်းသိမ်းစောင့်ရှောက်လိုသည့် ဆန္ဒများပေါ်ထွန်းလာစေရန်။

(၄) တိုင်းရင်းသားသွေးစည်းချစ်ကြည်မှု ခိုင်မြဲလျက် ထာဝရငြိမ်းချမ်းသာယာခြင်း မင်္ဂလာတရားရရှိစေမည့် ငြိမ်းချမ်းရေးဆိုင်ရာ ပညာရပ်များဆင့်ပွားပို့ချရန်။

(၅) လူငယ်လူရွယ်များအတွက် နိုင်ငံတော်အစိုးရ၏ ချမှတ်ထားသောလမ်းစဉ်နှင့်အညီ စည်းမျဉ်းစည်းကမ်း ဘောင်အတွင်း ပြည်သူ့အကျိုး ဖြစ်ထွန်းစေမည့် ဘက်စုံဖွံ့ဖြိုးရေး သင်တန်းများ၊ တည်ငြိမ်အေးချမ်းမှုနှင့် တရားဥပဒေစိုးမိုးမှုကို အထောက်အကူပြုစေမည့် သင်တန်းများဖွင့်လှစ်ပေးသွားရန်။

(၆) တိုင်းရင်းသားလူမျိုးစုများအတွင်း မိမိတို့၏ ကိုယ်ပိုင်ယဉ်ကျေးမှု ရိုးရာဓလေ့ထုံးတမ်းစဉ်လာစရိုက်များ ဖလှယ်ခြင်းဖြင့် တစ်ဦးနှင့်တစ်ဦး ပိုမိုနားလည်ရင်းနှီးချစ်ကြည်ကာ ငြိမ်းချမ်းရေးတည်တံ့ခိုင်မြဲစေရန်နှင့် ပြည်ထောင်စုစိတ်ဓာတ် ပိုမိုခိုင်မာတိုးပွားလာစေရန်။ (၇) ပြည်သူအများ ငြိမ်းချမ်းရေး၏ အနှစ်သာရကို နားလည်ခံစားအနားယူ အပန်းဖြေရန်။

Facilities

ပင်မဆောင်၊ Complex House (ကုတင် ၂၆ လုံးဆံ့ လူနေဆောင်)
Row House (ကုတင် ၁၈ လုံးဆံ့ လူနေဆောင်)
ထမင်းစားဆောင်နှင့် မီးဖိုခန်း

အကျယ်အဝန်း  – ၁၅.၅၄ ဧကကျယ်ဝန်းပါသည်။

တည်နေရာ

(၁၁)မိုင်၊ နောင်နန်း၊ မြစ်ကြီးနားမြို့၊ ကချင်ပြည်နယ်။ မြစ်ကြီးနားမြို့မှ (၁၁)မိုင်ကွာဝေးပြီး နောင်နန်းကျေးရွာအုပ်စု၊ ဂေါ့နန်ရွာတွင်တည်ရှိပါသည်။

ငြိမ်းချမ်းရေး ဂေဟာ (နောင်နန်း)

၁၁ မိုင်၊ နောင်နန်းကျေးရွာ၊ မြစ်ကြီးနားမြို့၊ ကချင်ပြည်နယ်